Зоран Заев и Шилегов најавуваат промена на плочки на Кејот на Вардар, како да почнале да градат автопат. Организацијата на настанот е веројатно поскапа од самиот проект, обвини советничката група на ВМРО-ДПМНЕ во Град Скопје.
„Никаде ниту на повидок не е тунелот под Кале, или мостовите и булеварите кои ги ветуваше Шилегов. Четири години поминаа, а Скопје не се сеќава на ниту еден проект на Шилегов, само на стоте илјади евра потрошени за новогодишна забава. И наместо да се фати за работа, Шилегов се фали дека ќе менува плочки. Заев и Шилегов викнале новинари, куп административци и поставиле лед позадина, како да се почнува капитален проект вреден милиони, а не промена на плочки на кеј, што е редовна задача на градот. Доколку Шилегов си останеше на зборот, и не го потроши својот мандат во безделничење и промена на имиња на улици, туку работеше и создаваше, промената на плочки на кеј требаше да се случи во првите два три месеци од неговиот мандат, а не сега на пола година пред избори. Скопјани го прочитаа Шилегов, и неговата не работа ќе ја казнат на локалните избори на есен“, наведено е во соопштението од Советничката група на ВМРО-ДПМНЕ во Град Скопје.
