Фудбалска Европа утре нуди 8 натпревари од Лига Европа натпреварувањето, каде помеѓу неколку интересни натпревари, еден се издвојува по тежината и традицијата помеѓу двете екипи.
Се работи за натпреварот помеѓу Манчестер Јунајтед и Милан кој утре ќе се одигра на Олд Трафорд како меч од осминафиналната фаза во Лигата на Европа.
Миланезите ќе отпатуваат без неколку првотимци кои ќе го пропуштат натпреварот поради повреда, но тоа не го менува фактот дека утрешниот меч ќе биде празник за очи за љубителите на фудбалот.
За потсетување, овие две екипи се соочија и во сезоната 2006/2007 од Лигата на шампионите кога Манчестер Јунајтед го доби тој меч со 3:2, но белег на тој натпревар остави феноменалниот Рикардо Кака кој постигна погодок со кој ја понижи одбраната на Манчестер Јунајтед.
Ова е моментот кој миланезите се уште го паметат и се надеваат дека на утрешниот меч можеби ќе се повтори од Рафаел Леао, како најистурен напаѓач во утрешната формација.
