Попис 2021, слаб одзив во САД, Канада и Австралија!

Две недели по стартот на пописот, се попишале само 64 илјади македонски државјани што живеат во странство. Води Швајцарија со 16 илјади попишани,но и тоа е само една четвртина од очекуваната бројка на наши државјани што живеат во оваа земја. Следуваат Германија со десет илјади и Италија со шест илјади попишани иселеници. Најслаб е интересот во САД, Канада и Австралија. Надлежните не се задоволни со бројката и се надеваат дека во наредните 34 дена, нашите иселеници ќе се мобилизираат, со цел да се добие реална слика за големината на дијаспората.Не веруваат дека се работи за бојкот.