И денеска имаме набавено 0 вакцини. Венко Филипче и Зоран Заев продолжуваат да ги разочаруваат граѓаните. Денеска во ДКСК поднесуваме комплетна документација, објавена во медиумите, а од која се гледа дека Венко Филипче овластил фантом фирма да преговара во име на Македонија со кинески „Синофарм“ за набавка на 200.000 вакцини, по цена од 62,5 долари од вакцина, изјави денеска за медиумите, Миле Лефков, претник од редовите на ВМРО-ДПМНЕ.Ж
– Еве ги документите со потпис на Венко Филипче, со извор Централен регистар на Хонг Конг. Прашањето и денеска е дали се работи за муртинската „30 за Синофарм, 30 за Вицето“. Греота е кога доктор како тебе кој наместо да спасува животи, утре ќе треба да одговара, но никој не те присилуваше да бидеш извршител на Зоран Заев,вели тој.
