Во Бања Лука е потпишана спогодба за изградба на гасоводот „Нова источна интерконекција помеѓу Република Српска (БиХ) и Србија“. Овој гасовод ќе се гради на потегот: Инѓија – Бијелина – Бања Лука – Приједор – Нови Град. Спогодбата е потпишана помеѓу Јавното претпријатие „Србијагас“ и компанијата „Гас – Рес“. Основна цел на проектот е овозможување на БиХ приклучок со гасниот систем на Србија, како и на проектот Балкански тек.
Гасоводот ќе се гради од границата меѓу Србија и БиХ, преку Бјелина, Бања Лука, Приједор и Нови Град. Договорот предвидува заедничко учество во изградбата на гасоводот Инџија-Мачвански Прњавор-Бјелина-Бања Лука-Нови Град, соопштија од Србијагас. Должината на гасоводот на територијата на Србија ќе биде околу 90 километри, а на територијата на Република Српска 320. Се планира капацитетот на гасоводот да биде 1,2 милијарди кубни метри природен гас годишно.
