Тајгер Вудс на својот Твитер профил објави дека ја напуштил болницата и дека веќе се чувствува подобро.
– Задоволство ми е да споделам со вас дека веќе сум дома, каде што ќе продолжам со закрепнувањето. Благодарност за сите упатени пораки кон мене и поддршката која што ја добивав, напиша Вудс.
Славниот голф играч и американска легенда имаше сообраќајна незгода, при што екипите кои излегле на терен морале да сечат дел од каросеријата на возилото за тој да биде извлечен.
Вудс имаше прилично сериозни повреди на нозете, поточно на глуждовите и стапалата, а како помагало при неговото закрепнување, му беа вградени и метални прачки.
