Антонио Милошоски денес е во посета на Демир Хисар. По изјавата, на прашање на новинарската екипа во однос на набавката на вакцини од Кина, Милошоски истакна дека Филипче е најнеспособниот министер за здравство, а неговото неработење резултира со голем број на заболени и за жал починати сограѓани.
Милошоски додаде дека интерпелацијата која што ВМРО-ДПМНЕ ја поднесе до Собранието на Република Македонија е поради тоа што изминатиот период се бележат поразителни бројки на заболени и починати од Ковид-19, но исто така и поради тоа што се бележи голем раст на невработеност поради лошото менаџирање со пандемијата од страна на Филипче.
– Интерпелацијата од министерот за здравство ја ја побаравме во Собранието, поддршка за интерпелацијата даваат и другите опозициони партии и се надевам дека г-динот Џафери ќе ја стави интерпелацијата што поскоро на дневен ред, затоа што цениме дека бројот на заразени, бројот на за жал починати граѓани, бројот на невработени кои што се создадоа во државата како резултат на лошото менаџирање со пандемијата и трчањето по провизии со фантон фирма од Хонг Конг наместо набавка на вакцини за имунизација на населението, се големи причини за еден министер сам да си поднесе оставка или ако не е доблесен да го направи тоа, тогаш пратениците и Собранието да му изгласаат недоверба. И ги повикувам сите пратеници од сите градови, особено оние каде што се премногу засегнати со голем број на жртви и новозаразени, и таму каде што стопанските субјекти се уште трпат сериозни последици од ова лошо менаџирање на власта, исто така да се придружат на ваквото барање да го разрешиме Филипче и да ставиме некој подобар менаџер, кој што ќе може здравството, луѓето и граѓаните да ги изведе на подобар пат и подобро да менаџира со оваа пандемија која досега нанесе многу големи штети на сите нас, вели Милошоски.
Се очекува во наредните денови претседателот на Собранието на Република Македонија, Талат Џафери да ја стави точката на дневен ред и да се гласа интерпелацијата на Филипче.
