Вечерва повторно на програмата дерби дуел од 1/8 финалната фаза во Лига Европа. Имено, вечерва Милан го пречекува Манчестер Јунајтед на Сан Сиро, каде што ќе се обидат да ја искористат шансата за пласман во 1/4 финалето на Лига Европа по долги години пауза во големите натпреварувања.
За потсетување, првиот натпревар пред седум дена на Олд Трафорд заврши 1:1, иако фудбалерите на Солскер водеа до последната минута, за потоа Симон Кјаер да израмни во 94-та минута со гол со глава.
Повеќекратниот освојувач на Лигата на шампиони вечерва има шанса да го продолжи патот кон освојување на Лига Европа, а покрај добриот резултат од гостувањето, ветер во грб им дава и враќањето на неколку повредени играчи кои не играа на првиот натпревар, меѓу кои Ибрахимовиќ, Тео Хернандез, Бенасер и турскиот ас Хакан Чалханоглу.
Несомнено вечерва на Сан Сиро ќе се одигра највозбудливиот натпревар од 1/8 финалната фаза во Лига Европа.
