ИСКОРИСТЕНИ МИЗЕРНИ 15% ДОСТAПНИ СРЕДСТВА ОД СВЕТСКА БАНКА ЗА РАЗВОЈ НА ОПШТИНИТЕ
Неоправдано и просто несфaтливо е како од 70 милиони евра од Светска Банка ставени на располагање на Владата, да ги користат oпштините за локални проекти, досега се искористени само “смешни” 11 милиони евра!!! Овој слаб процент на искористеност укажува на фактот дека живееме во инертна држава каде постои многу слаба агилност, функционалност и координираност на институциите на централно и на локално ниво, што од друга страна пак резултира со многу мала ефикасност во искористувањето на достапните средства од различни фондови!?!? Реализацијата на вакви средства за проекти е од голема и витална важност во овие моменти, кои треба да ја раздвижат економијата во услови на пандемија, зголемувајќи го и онака нискиот процент на капитални инвестиции во државава и општините. Цела оваа нефикасност директно се одразува на лошиот животен стандард, зголемената невработеност и нови задолжувања!!!
И едно суштинско прашање: По кои критериуми ќе се врши рaспределбата на средствата од Светска Банка кон општините, пред престојните локални избори кога добро познато е дека: Имаме Општини кои во претходниве години енормно се задолжуваа и трупаа обврски празнејќи ги буџетите за непродуктивни трошоци?
Имаме Општини кои во 21- ви век од сè уште неразбирливи причини не ги реализираат своите законски обврски во прибирање на локалните даноци и такси (пр.Арачиново, но и други општини).
Имаме општини кои овие години го дуплираа бројот на вработени и сега наместо парите од буџетите даги искористат за капитални инвестиции, истите ги трошат исклучиво за плати, немајќи средства да го реализираат ветеното?
Ниту простувањето на долговите и каматите од страна на Владата, ниту паричните средства од Светска Банка, ниту пак сите други задолжувања кои се прават, не можат да ги покријаат сите дупки и да го надокнадат изгубеното време на народот од страна на заспаните локални Власти, напиша Марјан Ристески на својот Фејсбук профил.
