Изминатите неколку денови актуелна тема во италијанскиот фудбал е ситуацијата со заразени фудбалери во фудбалскиот клуб Интер. Имено, клубот од Милано има неколку заразени фудбалери, како и членови на стручниот штаб.
Во овој момент Интер е на првата позиција во Сериа А, зад него е градскиот ривал Милан, а трет Јувентус. Битката за врвот е и понатаму неизвесна.
Сериа А донесе одлука поради позитивните на коронавирус во Интер, да се одложи наредниот натпревар со Сасуоло, како и играчите да не смеат да патуваат на интернационалните средби за своите репрезентации.
На ваквата одлука реагираат другите екипи од Сериа А, кои велат дека Интер повторно е фаворизиран, овој пат користејќи ја ситуацијата со заболени од коронавирусот во клубот.
Голем број од екипите ги играа натпреварите без играчите кои што беа позитивни на коронавирусот и тоа влијаеше врз резултатите, бидејќи се случуваше во многу клубови да недостасуваат главните играчи. Не е коректно да се употребуваат двојни аршини при донесувањето на одлуките, бидејќи се приметува наклонетоста на Сериа А кон Интер, велат раководствата на италијанските фудбалски клубови.
