Норвешка, Шведска и Данска ќе продолжат со паузата за вакцинирање против COVID-19 со AstraZeneca и покрај заклучокот на Европската агенција за лекови (ЕМА) дека вакцината е „безбедна и ефикасна“.
Сите три земји соопштија дека ја разгледуваат одлуката за ЕМА дека придобивките од вакцината ги надминуваат нејзините ризици. Нивните одлуки се да не брзаат пред убаво да бидат разгледани резултатите од нивните лаборатории . Италија, Франција, Германија и Шпанија во четвртокот соопштија дека планираат да започнат повторно со вакцинациите на AstraZeneca по декларацијата на ЕМА.
„Поради неколкуте сериозни случаи во Норвешка, ние сакаме темелно да ја разгледаме ситуацијата пред да донесеме заклучок“, рече Геир Букхолм, директор на Одделот за контрола на инфекции во Норвешкиот институт за јавно здравје. „Ова ќе потрае некое време, а ние ќе обезбедиме ажурирање на крајот на следната недела“, додаде тој. Шведската агенција за јавно здравје соопшти дека нивниот национален институт за медицина истражува случаи на згрутчување на крвта и ги чека разултатите
