Загрижен сум! Што ли се случува?
Се уште нема првични резултати од комунистичките избори во кој битката за лидер на СДСМ ја бијат Зоран против Заев.
Многу сакаат да се фалат дека епохално нешто направиле, ама пак го излајнија.
Не е натпревар помеѓу еден кандидат. Земи да играш фудбал сам со себе или пак кошарка, или пак натпреварувај се во трчање сам со себе. Смешно!
Доколку барем малку сакаа изборниот партиски процес да го направат кредибилен требаше да обезбедат набљудувачи.
Да, да, набљудувачи и тоа надворешни од своите коалициони партнери па дури и од опозицијата.
Ќе прашате зошто?
Па затоа што ако имаа два или повеќе кандидати секој ќе си имаше свој набљудувачи. Сега кој го набљудува процесот на гласање или ти се навикнати да функционираат по системот кадија те тужи кадија те суди, односно Заев кандидат, а Зоран дава набљудувачи. Затоа граѓанството ќе си бие шега со Северно корејските избори во СДСМ, а всушност сега дефинитивно се убедивме дека целото владеење на СДСМ во изминативе 4 години е фарса – магла.
Едно зборуваат а друго прават. Зборуваат за внатрепартиска демократија, а таа ја има само ако има натпревар помеѓу повеќе кандидати. Во конкретниов случај нивната демократија се претвори во автократија и тоа без било каква контрола, а набљудувањето и контрола на процесот им беше потребен за да можат да манипулираат со одзивот, односно со бројот на излезени партиски членови, зошто на виделина ќе излезе фиктивното попишување на партиските членови и немањето желба да се излезе на било какви избори, а најмалку на внатрепартиски.
Со ова СДСМ, од идејата за внатрепартиска демократија направи вистинска карикатура.
