По наредба на Обвинителството за гонење организиран криминал и корупција, се вршат претреси во рамки на истрагата за случајот „Плацовите на Водно“.
Од обвинителството велат дека претресите се во насока на прибирање материјални докази, но во моментот не се во можност да споделат детали.
Според добиените информации становите се наоѓаат на улица Бихачка во близина на МВР, каде наводно два стана се на мајката на Груевски додека еден е на секретарката другиот на приватна фирма.
Според истрагата за плацевите на Водно, на првоосомничениот Груевски во перењето на нелегално стекнатите пари му помагале братучедот Сашо Мијалков и бизнисменот Јордан Камчев, кои се второосомничен и четвртоосомничен. Ристо Новачевски, кумот на Груевски во првиот брак, е третоосомничен.
