Елиф Елмас e во немилост на тренерот Гатузо откако утрово беше објавено дека македонскиот репрезентативец бил избркан од вчерашниот тренинг на „наполитанците“.
Не станувало збор за недисциплина, туку за „недоволна активност на Елмас на тренингот“, поради што незадоволниот Гатузо решил да го испрати македонскиот „дијамант“ во соблекувалната. Според првичните најави, ова значи дека Елмас нема да се најде ниту на клупата за следниот меч од Калчо-чигата, дерби-дуелот со Лацио.
