Едно лице го загуби животот вчера во сообраќајна несреќа што се случила на крстосницата на улицата „Московска” со булевар „Партизански Одреди” во Скопје.
Како што информираа од МВР, во несреќата патничко возило управувано од Ј.Ѓ. (1999) од Скопје, удрило во Л.Д. (1997) од Радовиш, кој е повреден и пренесен во ГОБ „8 Септември” и В.Н. (1997) од Радовиш, која почанала на местото.
Како што сега објави ТВ.НОВА возачот кој ја усмрти девојката кај Сити Мол е во полициска станица, се чекаат резултати дали бил под дејство на алкохол или наркотици и дали ќе биде притворен.
Од 22-годишниот Ј.Ѓ. биле земени веднаш и биоматеријали за анализа, крв и урина.
Од Основното јавно обвинителство Скопје (ОЈО) информираа дека увид на местото на тешка сообраќајна несреќа во близина на ТЦ „Сити мол“ во Скопје, синоќа изврши Јавен обвинител од ОЈО Скопје.
– Според првичните сознанија, до несреќата дошло кога патнички автомобил „Цитроен Ц4“, управуван од лице на возраст од 22 години, удрил во двајца пешаци, девојка и момче на возраст од по 24 години, кои поминувале преку улицата. Од здобиените повреди, оштетената починала на лице место, додека другиот пешак е повреден и пренесен во болница. По наредба на јавен обвинител, возачот на автомобилот веднаш по несреќата е лишен од слобода и задржан во полициска станица. Јавниот обвинител издаде наредба за обдукција на телото на починатата, а нареди и вештачење на примероци од крв и урина од возачот на автомобилот со цел да се утврди дали тој управувал со возилото под дејство на алкохол или други недозволени супстанции – соопштија од ОЈО.
