Најмалку шест жени, меѓу кои поранешна армиска припадничка, спортска коментаторка и манекенка, го обвинија најпознатиот израелски фудбалски тренер Аврам Грант дека ги принудувал на сексуални односи, ветувајќи им дека ќе им помогне да напредуваат во нивните професионални кариери.
Обвинувањата за сексуално злоставување на адреса на Грант без изнесени во серија интервјуа објавени на израелската телевизија „Channel 12″.
Грант ги демантираше обвинувањата, тврдејќи дека кон сите се однесувал со должно почитување.
– Никогаш не сум се обидувал да се однесувам неправедно или на кој било начин да повредам жена. Искрено им се извинувам на сите, кои се чувствувале непријатно поради мене или кога сум ги повредувал, изјави Грант за израелските медиуми.
Грант во својата кариера тренираше бројни израелски клубови, а ги предводеше и англиските екипи Челзи, Портсмут и Вест Хем, репрезентациите на Израел и Гана, а во 2012 година и белградски Партизан.
