Основниот суд во Велес со кој претседаваше судијката Габриела Гајдова денеска донесе ослободителна пресуда за 23-годишната Павлинка Илоска која лани на 29 септември при семејно насилство го уби невенчаниот сопруг Александар Ристовски. На Илоска и е укината и мерката „куќен притвор”.
Судот ја изнесе пресудата и добиените докази од вештите лица, со што се докажува дека убиството таа го направила во момент на самоодбрана кога бил загрозен нејзиниот живот.
Адвокатот на Илиоска, Димитар Петрулев изјави дека имале правично и фер судење врз основа на сите изнесени докази со што судот ја утврдил фактичката состојба и донел одлука за поништување на се.
– Со сите изнесени докази произлезе дека член 9 од Кривичниот закон не е само паушално наведен, туку напротив дојде до примена на истиот, изјави Петрулев.
