Српскиот тенисер Новак Ѓоковиќ изјави дека нема да се вакцинира против коронавирусот и дека е подготвен да ги пропушти турнирите кои не дозволуваат невакцинирани играчи.
– Никогаш не сум се противел на вакцинацијата. Разбирам дека сите прават огромни напори да се справат со вирусот. Се надевам дека сето ова ќе заврши наскоро. Вакцинацијата е најголемиот напор што некогаш бил направен – веројатно повеќе од половина од планетата е веќе вакцинирана.
Го почитувам ова, но отсекогаш сум ја поддржувал слободата на избор во она што човекот го прави со своето тело. За мене, прашањето за вакцинација е одлуката што е правилно, а што не за одредена личност. Јас, како елитен спортист, отсекогаш сум бил внимателен на с сè што може да влезе во мојата храна, суплементи, вода, спортски пијалаци – воопшто, сè што го поттикнува моето тело. Според информациите што ги имам, немам намера да се вакцинирам.
Јас сум дел од голем спорт кој секоја недела се игра насекаде низ светот и одлично ги разбирам последиците од мојата одлука. Бев подготвен за фактот дека нема да можам да играм во Австралија. Разбирам дека сега не можам да играм на повеќето турнири поради фактот што не сум вакциниран. Ова е цената што сум подготвен да ја платам. Моите принципи и однос кон сопственото тело се многу поважни од какви било титули, изјави Ѓоковиќ во интервју за „Би-би-си”.
Србинот во моментов е прв светски рекет и е еден од најдобрите тенисери во историјата воопшто.
