Светот се соочува со голема опасност во врска со украинската криза, изјави денеска генералниот секретар на ОН Антонио Гутереш во говорот на отворањето на состанокот на Генералното собрание на ОН, пренесуваат француските медиуми.
Гутереш во говорот ги критикуваше постапките на Москва против Украина и ја повика Русија да ги повлече своите трупи и да престане со дестабилизација на регионот.
-Одлуката на Русија да ја признае таканаречената „независност” на регионите Доњецк и Луганск и дејствата што следеа го нарушуваат територијалниот интегритет и суверенитет на Украина и се некомпатибилни со принципите на Повелбата на ОН, изјави генералниот секретар на ОН.
