Советник на СДСМ во Ѓорче Петров уапсен за трговија со дрога.
Како што дознаваме од полициски извори советникот од редовите на СДСМ во општина Ѓорче Петров М.Т (21) на 16.03 бил лишен од слобода заради сомневање со трговија со дрога.
Бил задржан во полициската станица во Кисела Вода, каде што инспекторите собрале непобитни докази дека лицето тргувало со дрога по што му е поднесена кривична пријава по членот 215 од кривичниот законик на Република Македонија.
Нашата редакција се обиде да добие информација од МВР за случајот и да праша зошто сеуште овој деликт не е објавен во полицискиот билтен, но од таму ни одговорија дека за лицето се води постапка во координација со ОЈО Скопје.
Инаку покрај функцијата советник, М.Т е и претседател на младината на СДСМ во Ѓорче Петров и често може да се види во друштво со високи функционери од владата и од партијата.
Испративме писмено прашање до кабинетот на премиерот Димитар Ковачевски дали знае за случајот и дали ќе дозволи лице кое е обвинето за трговија за дрога да биде дел од советничката група на СДСМ и дел од раководствотона партиската младина, но до затворањето на прилогот сеуште немаме одговор.
