Селин Дион страда од невролошко нарушување, синдром на вкочанета личност. Таа зборуваше за магазинот „Пипл“ за својата дијагноза.
Првпат почувствувала грчеви пред речиси 20 години кога била во Германија на турнеја. „Појадував и одеднаш почнав да чувствувам грчеви. Вокалните вежби пред настапот ги влошија работите“, се присети пејачката, која детаљно ја опиша својата борба во емотивниот документарен филм „Јас сум: Селин Дион“, кој доаѓа на 25 јуни на „Прајм видео“.
Дион пробала голем број лекови без рецепт, но бидејќи симптомите ѝ се влошиле, ѝ било советувано да земе лек на рецепт – и тоа „валиум“.
„Почнавме со два милиграма да видиме дали ќе помогне, па 2,5, па 3, па 15, па 50“, вели пејачката. Таа истакна дека еднаш зела 90 милиграми „валиум“ за да помине на настап.
„Можеше да заврши фатално. Не се разбирам во медицина, мислев дека ќе биде добро. Тогаш не сфаќав дека можам да легнам и да престанам да дишам. Но, учам од моите грешки“, рекла таа.
Денес, вели таа, е многу среќна што може да ги сподели своите искуства со другите. „Важно е да се знае дека не земав лекови за да се дрогирам. Целиот мој живот сум професионална, дисциплинирана и вредна личност, која го прави она што треба да го направи за да го одржува мојот глас во топ-форма“, вели таа.
Текстот (Видео) Потресна исповед на Селин Дион: Пиев многу апчиња, можеше да заврши фатално е превземен од МАКФАКС.
