Израелските сили може често да го прекршуваат меѓународното хуманитарно право и да не прават разлика меѓу цивили и борци во конфликтот во Појасот Газа, обвини Канцеларијата на Високиот комесаријат на ОН за човекови права.
Освен тоа, шефот на истрагата на ОН ја обвини израелската армија дека извршила „истребување“ на Палестинците.
Во извештајот за шест смртоносни израелски напади, Канцеларијата на Високиот комесаријат за човекови права на ОН рече дека израелските сили „можеби систематски ги кршат принципите на разликување, пропорционалност и мерки на претпазливост при нападот“.
„Се чини дека израелската кампања за бомбардирање постојано ја нарушува обврската да се изберат средства и методи на војување со кои се избегнува или барем минимизира штетата на цивилите колку што е можно повеќе“, рече високиот комесар на ОН за човекови права Волкер Турк.
Постојаната мисија на Израел во ОН во Женева ја окарактеризира таа анализа како „фактички, законски и методолошки погрешна“.
Текстот ОН го обвинија Израел: Можеби систематски го крши меѓународното право во Газа е превземен од МАКФАКС.
