Израелскиот премиер Бенјамин Нетанјаху ќе свика состанок на безбедносниот кабинет, на кој ќе се разговара за предлогот на Хамас за можен прекин на огнот и договорот поврзан со заложниците, изјави денеска неименуван извор од кабинетот на премиерот на Израел.
Според истиот извор, пред состанокот на кабинетот Нетанјаху ќе има консултации со неговиот преговарачки тим, пишува „Тајмс оф Израел“.
Израел го проучува одговорот на Хамас на предлогот, кој би вклучувал размена на заложници и прекин на огнот во Појасот Газа, објави вчера израелската разузнавачка и безбедносна агенција „Мосад“.
Текстот Нетанјаху свика состанок на безбедносниот кабинет за да се разгледа предлогот на Хамас за прекин на огнот е превземен од МАКФАКС.
