Експлозивното интервју на Алваро Мората за шпанските медиуми крена доста прашина во пресрет на полуфиналето на Евро.
Шпанецот го очекува тежок дуел со Франција и битка за пласман во финалето, но по изјавите на Мората за Мундо Депортиво, атмосферата во таборот на „фуриите“ беше нарушена.
Имено, Мората изјави дека „ова може да му биде последен турнир на кој настапува за Шпанија“.
Потоа објасни што го тера да размислува така.
“Тешко ми е да бидам среќен во Шпанија. Посреќен сум надвор од Шпанија, без никаква дилема. Тоа сум го кажал многу пати. Пред се, ме почитуваат луѓето надвор од земјата. Во Шпанија нема почит кон никого“, подвлече Мората.
Тој сепак ќе има можност да игра против Франција бидејќи беа погрешни наводите дека добил жолт картон на последниот меч со Германија.
„Тие рекоа дека плачев на теренот затоа што добив жолт картон. Каква глупост! Плачев затоа што мојата земја и јас како нејзин капитен се пласиравме во полуфиналето. Никогаш не би критикувал некој што плаче поради тоа. Но би ме критикувале дури и ако си ја отсечам раката за да го освојам Евро“, изјави Мората.
„Се обидувам да уживам во турнирот, кој може да ми биде последен во националниот тим, а во иднина ќе видиме што ќе се случи. Можеби еден ден ќе им недостигам. Секој ден, моментот на моето заминување е поблиску, затоа уживам, затоа ќе плачам што и да се случило, добро или лошо“.
Алваро призна дека тој и неговата сопруга, кои имаат три сина и една ќерка, размислуваат да ја напуштат Шпанија.
„Не е се така убаво. И покрај фокусот на Евро, сè уште размислувам и не знам дали е најдобро за мене да останам во Шпанија. Реков дека умирам да го земам трофејот со Атлетико, но не знаеш дали вреди се“, заврши капитенот на Шпанија.
Текстот Мората објасни зошто сака да ја напушти Шпанија е превземен од МАКФАКС.
