Генералот на руската армија Магомед Хандаев (61) ненадејно почина во Москва, соопштија властите во земјата.
До неговата смрт, тој работеше како раководител на Дирекцијата за државни експертизи при Министерството за одбрана на Русија.
Тој беше соработник на поранешниот заменик министер Тимур Иванов, кој пред неколку месеци беше обвинет и уапсен за корупциски скандал тежок речиси десет милиони евра.
Хандаев беше еден од клучните сведоци во овој процес против Иванов.
Пред да дојде на чело на Управата, тој работеше како генерален директор на Главната дирекција за специјализирана градба.
„Тој беше една од клучните фигури во изградбата на многу воени објекти низ Русија“, се вели во соопштението.
Причината за неговата смрт не е наведена.
Во соопштението се додава дека неговото тело е пренесено од Москва во родниот Дагестан, каде ќе биде погребан.
По неговата смрт повторно се постави прашањето за сомнителни чистки меѓу важни функционери во руското Министерство за одбрана.
„Сега кога Хандаев, кој имаше важни информации за овој случај, веќе не може да сведочи, многу случаи ќе бидат затворени или преиспитани“, тврди неименуваниот извор.
Текстот Мистериозната смрт на друг генерал на Путин: тој беше клучен сведок во познатиот корупциски скандал во Кремљ е превземен од МАКФАКС.
