Повеќе од 130 луѓе, вклучително и туристи, се отсечени од светот поради поплавените патишта откако невреме го погоди Тибет, во близина на границата со Непал, објавија денеска кинеските државни медиуми.
Многу делови од главниот автопат кој води до оддалечениот град Жентанг се поплавени или однесени, а други делови од патот се блокирани од лизгање на земјиштето од силниот дожд од неделата, објави Ројтерс.
Досега 342 лица се евакуирани во други градови, но најмалку 130 луѓе се уште се заробени во близина на Жентанг, кој се наоѓа на надморска височина од повеќе од 2.000 метри.
Невремето се очекува да продолжи и утре, што ги отежнува спасувачките напори, предупредуваат метеоролозите.
Текстот Поради невремето и поплавените патишта во Тибет, 130 луѓе се отсечени е превземен од МАКФАКС.
