Девет патници се повредени утрово во сообраќајна несреќа на Булевар Немањица во Ниш, кога автобусот на градското сообраќајно претпријатие „Нишекспрес“ нагло закочил.
Несреќата се случила нешто по осум часот недалеку од трговскиот центар „Делта“ кога автобусот од засега непознати причини ненадејно застанал и патниците паднале.
Како што информираат од нишката Итна помош, интервенирале со две екипи поради големиот број повредени.
„Пренесовме две лица во Универзитетскиот клинички центар во Ниш поради контузии на главата и екстремитетите. Станува збор за полесни физички повреди, но тие се упатени на понатамошна дијагностика“, изјави Јадранка Трифунов, шеф на Итната помош во Ниш.
Текстот Девет повредени во сообраќајка во Ниш: Автобусот нагло закочил, патниците паднале е превземен од МАКФАКС.
