Не може секој лидер да преговара за Украина, изјави претседателот Володимир Зеленски на прес-конференција со генералниот секретар на НАТО, Јенс Столтенберг, пренесува „РИА новости“.
Тој ја коментираше средбата на унгарскиот премиер Виктор Орбан со повеќе светски лидери, на кои стана збор за украинскиот конфликт.
„Имајќи ги предвид сите земји – големи и мали, мора да разбереме дека не може секој лидер да преговара. За да го направите тоа, мора да имате одредена сила и авторитет“, рече тој.
Орбан, чијашто земја претседава со Европската Унија, на почетокот на јули ги посети Украина, Русија и Кина. Посетата на Москва и преговорите со претседателот Владимир Путин потоа предизвикаа остри критики на Запад.
Орбан подоцна се состана со американскиот претседателски кандидат Доналд Трамп на Флорида, а по самитот на НАТО.
Текстот Зеленски го навреди Орбан: Не може секој лидер да преговара за Украина, мора да има одредена сила и авторитет е превземен од МАКФАКС.
