Ужасна сцена затекнале полициските службеници во близина на патарината кај Демир Капија.
Жена со повреди на телото стоела покрај десната коловозна лента.
Според информациите од полицијата, станува збор за 49-годишната С.М. од Србија која сопругот ја оставил покрај патот.
Тој во разговор со властите раскажал дека заедно со нивниот малолетен син и внука се враќале од одмор во Грција. За сопругата вели дека имала здравствени проблеми и го нападнала физички, по што настанала физичка пресметка. Тој го запрел возилото, ја оставил С.М. покрај патот и, како што вели, заминал со децата кон „Табановце“.
Жената е пренесена во здравствена установа, а за случајот известен е јавен обвинител.
Текстот Србинка со повреди забележана покрај автопатот кај Демир Капија, сопругот ја исфрлил од возилото по кавга е превземен од МАКФАКС.
