Уругвај го освои третото место на Копа Америка благодарение на победата против Канада по изведувањето пенали.
Регуларниот дел заврши со резултат 2:2. Уругваецот Родриго Бентакур прв погоди во осмата минута, но Канаѓаните направија пресврт со головите на Исмаел Коне во 22. и Џонатан Давид во 80. минута.
Луис Суарез најпрвин израмни во 92. минута и избори пенали за својата репрезентација. Таму го погоди решавачкиот пенал откако за Канада промашија Коне и Алфонсо.
Селекторот на Уругвај, Марсело Биелса изјави дека јужноамериканскиот тим одиграл многу под своето ниво.
„ Канада беше посвежа, моите играчи беа уморни. Знам дека овој турнир дојде по долга сезона и заморот влијае на играчите, но мислев дека со нашиот тим можевме да одиграме малку подобро отколку што одигравме“, изјави Биелса.
Бранителот на титулата Аргентина и Колумбија во текот на ноќта од недела кон понеделник ќе го играат финалето на Копа Америка во Мајами.
Текстот (Видео) Уругвај го освои третото место на Копа Америка е превземен од МАКФАКС.
