Полицјата од Македонски Брод вчера ги лишиле од слобода Т.Т. (63) и А.Т. (39) од Македонски Брод, Д.Д. (21) од село Суводол и И.М.(29) од Кичево, поради сомнение за инволвираност во кривично дело по член 123 од Кривичниот законик.
Имено, како што претходно пријавил Т.Т., околу 23.00 часот, во дворот од неговата куќа во село Калуѓерец, општина Македонски Брод, при чистење на ловечка пушка, пушката испукала еден куршум кој го погодил Д.С. (31) од Кичево, со кого сите заедно биле на лов. Од добиените повреди Д.С. починал на местото, а смрт констатирал лекар од Итна медицинска помош. Увид на местото извршила увидна екипа на ОВР Македонски Брод, а по наредба на јавен обвинител телото на починатиот било предадено на обдукција.
Основното јавно обвинителство Кичево претходно донесе Наредба за спроведување истражна постапка против 21-годишник од селото Суви Дол, Македонски Брод за кого постои основано сомнение дека сторил кривично дело- Убиство според член 123 став 1 од Кривичниот законик.
Жртвата е 31-годишен професионален војник во АРМ, но повод за убиството е банална вербална расправија од приватна природа.
Текстот Четворица приведени за убиството на војникот во Калуѓерец е превземен од МАКФАКС.
