Сопственикот на кошаркарскиот клуб Панатинаикос, Димитрис Јанакопулос, објави дека Ергин Атаман ја продолжил соработката со „зелените“ на уште пет години.
Јанакопулос на Инстаграм порача дека Панатинаикос со Атаман и силен ростер ќе атакува на 11-те европски шампионски титули на Реал.
„Зелените“ во моментов се третиот најтрофеен клуб во историјата на Евролигата со седум трофеи (ЦСКА е втора со осум).
Планот на Јанакопулос е јасен – во следните пет години со Атаман на клупата сака да ја освои Евролигата пет пати.
Турскиот тренер во својата прва сезона во клубот ја освои Евролигата, а понесен од тој успех, амбициозниот шеф на „зелените“ посакува исто сценарио и во следните пет години.
„Ако си поставил цел да ги освоиш следните пет Евролиги и да го престигнеш Реал, освен да потпишеш со најдобрите играчи, мора да се погрижиш маестрото да остане жител на Атина и во наредните години“, напиша Јанакопулос покрај фотографијата на прослава на европската титула со Атаман.
Текстот Атаман уште пет години во Панатинаикос е превземен од МАКФАКС.
