Србин (22), главен осомничен за убиството на дизајнерот на Ролс Ројс во Германија минатата недела, е уапсен во Франција по меѓународна потера. Се уште не е познат мотивот за нападот.
Иан Камерон, легендарниот дизајнер на Ролс Ројс, беше пронајден мртов во својот дом на езерото Амер во Баварија.
Србин е осомничен дека избодел до смрт пензиониран дизајнер пред влезната врата од неговата куќа на 12 јули.
Србинот, кој пред апсењето побегнал од Германија во Франција, бил снимен неколку часа пред смртта на Камерон во супермаркет недалеку од местото на злосторството, јавуваат германските медиуми.
Неговиот црвен ранец е пронајден на шеталиштето покрај езерото, а Билд пишува дека при претресот во шумата е пронајдено и оружјето со кое е извршено злосторството.
Според медиумите, за време на нападот наводно ништо не било украдено.
„Многу ретко се случува некој да заѕвони на врата, да нападне станар и потоа да го избоде со нож. Во повеќето случаи во ваквите злосторства секогаш постои врска меѓу сторителот и жртвата“, изјавил полицаецот за Билд.
Текстот Србин е осомничен дека избодел до смрт пензиониран дизајнер пред влезната врата од неговата куќа, избегал во Франција е превземен од МАКФАКС.
