Францускиот пејач Филип Катерин предизвика најмногу контроверзии со својот настап на отворањето на Олимписките игри, а сега првпат проговори и го коментира целиот настап.
Уметникот, кој рече дека бил преправен во Дионис, богот на виното, беше целосно син со круна од цвеќиња и грозје на главата. Неговиот изглед, но и неговите колеги што учествуваа во истиот сегмент, некои го протолкуваа како пресоздавање на Тајната вечера.
„Имав време да го погледнам, (…) Имав време да се видам себеси. Го сметав за многу, многу лудо. Слободно и ново, пред сѐ“, изјави пејачот.
Во интервју за француската BFMTV тој рече дека нема проблем со тоа што неговиот изглед предизвикал толку многу контроверзии:
„Да немаше контроверзи, немаше да биде забавно. Кога би се согласиле сите и би имале исто мислење, колку досадно би било на оваа Земја, тоа е уште еден фашизам“, рече пејачот.
Тој потсети дека додека ја пишувал песната што ја извел, размислувал за потеклото на Олимписките игри, каде што спортистите биле целосно голи кога се натпреварувале“.
Филип Катерин исто така потсети дека оваа древна голотија главно имала цел да покаже дека човекот не носел оружје на себе, што одговара на неговиот сопствен пацифистички пристап.
Без разлика на објаснувањата, факт е дека неговиот настап привлече најголемо внимание, но предизвика и гнев кај Католичката црква и десничарските политичари.
Текстот Се огласи пејачот што предизвика најмногу реакции на Олимписките игри: Ако немаше контроверзии, немаше да биде забавно е превземен од МАКФАКС.
