23-годишникот настапува на позицијата стопер, потекнува од школата на Партизан, а во 2020 година направи голем трансфер во Монако за десет милиони евра. Српскиот дефанзивец беше позајмуван назад во Партизан, Серкл Бриж и Базел, а пред две лета Салцбург го откупи неговиот договор. Павловиќ стана првотимец и почна сериозно да се развива, а бргу се наметна и во репрезентацијата.
Со Србија тој одигра три натпревари на Европското првенство во Германија, а таму Павловиќ беше еден од најдобрите играчи на својата земја.
Милан ќе му плати 18 милиони евра на Салцбург за трансферот на Павловиќ, додека Австријците ќе добијат и одредени бонуси. Страхиња Павловиќ стави потпис на договор до 2028 година, со опција за продолжување на уште една. Во Милан тој ќе го носи дресот со број 31.
Текстот Официјално: Страхиња Павловиќ е нов фудбалер на Милан е превземен од МАКФАКС.
