Јужна Кореја денеска ѝ понуди помош на Северна Кореја, каде што има големи поплави, кои предизвикаа евакуација на илјадници жители.
Севернокорејските државни медиуми во средата објавија дека обилните дождови поплавиле 4.100 куќи, 7.410 хектари обработливо земјиште и многу други згради, патишта и железници во северозападниот град Синуи и соседниот град Уи.
Сѐ уште не е познато дали Северна Кореја ќе ја прифати помошта што ја нуди Сеул.
Министерството за обединување на Јужна Кореја соопшти дека земјата е подготвена бргу да им испрати резерви од неопходните потреби на жителите на Северна Кореја.
Министерството го повика севернокорејскиот Црвен крст веднаш да одговори на неговите повици за разговори за да се утврдат деталите за тоа каква помош е потребна и како таа може да биде доставена.
Непријателството меѓу ривалите разурнати од војната е на највисоко ниво поради растечките нуклеарни амбиции на Северна Кореја и заедничките воени вежби на Јужна Кореја со САД, пишуваат медиумите.
Текстот Јужна Кореја ѝ нуди помош на Северна Кореја поради поплавите е превземен од МАКФАКС.
