Шефот на либанскиот Хезболах, Хасан Насрала, денеска вети дека ќе одговори на израелското убиство на главниот воен командант на Хезболах, велејќи дека неговите повеќедецениски непријатели сега ги преминале сите граници.
Во израелски напад врз седиштето на Хезболах во јужните предградија на Бејрут во вторникот загинаа врховниот командант Фуад Шукр и еден ирански воен советник и уште пет цивили.
Тоа беше најтешкиот удар во последните две децении за Хезболах поддржан од Иран.
Хасан Насрала во говорот одржан по повод погребот на убиениот командант рече дека конфликтот влегол во нова фаза и дека Израел ги преминал сите граници и може да очекува одмазда.
Рече и дека неименувани земји побарале да возврати на прифатлив начин или воопшто да не возврати, но тој вели дека би било невозможно да не се одговори на нападот.
„Во овој момент нема дискусија. Единственото нешто што стои меѓу нас и вас се деновите, ноќите и бојното поле“, рече Насрала, заканувајќи му се на Израел.
Рече и дека во последните два дена Хезболах ги намалила своите постапки во знак на почит кон жртвите на нападот, но дека тие ќе се вратат на работа веќе утре наутро, иако подоцна ќе следи одмазда за убиството на Шукр.
Само неколку часа по убиството на Шукр, во Техеран беше убиен и лидерот на Хамас, Исмаил Ханије.
Насралах истакна дека сите оние кои сакаат да го спречат регионот да влезе во уште поголем конфликт треба да работат на прекин на огнот во Газа.
„Единственото решение тука ќе биде крај на агресијата против Газа“, рече тој.
Текстот Лидерот на Хезболах: Израел ги помина сите граници, ќе се одмаздиме е превземен од МАКФАКС.
