Наодот на австралиската влада за смртта на хуманитарните работници во Газа покажа дека сериозните пропусти на израелската војска во следењето на процедурите доведоа до воздушни напади врз возилата на хуманитарните работници, изјави денеска министерката за надворешни работи, Пени Вонг.
Во израелските воздушни напади во април загинаа седум работници во добротворната организација „Ворлд централ кичен“ во Газа, што предизвика широка осуда од Соединетите Држави и неколку сојузници.
Меѓу загинатите имаше државјани на Австралија, Велика Британија и Полска, како и Палестинци и двоен државјанин на САД и Канада. Австралискиот преглед на смртните случаи објавен денеска откри сериозни пропусти во процедурите на израелските одбранбени сили (ИДФ), погрешна идентификација и грешки во донесувањето одлуки.
ИДФ го нарече инцидентот сериозна грешка што не требаше да се случи.
Вонг рече дека Австралија ќе се заложи за целосна одговорност за одговорните лица, вклучувајќи и кривични пријави доколку е потребно.
„Израелскиот јавен обвинител допрва треба да одлучи за понатамошни дејствија“, рече таа во изјавата. очекувајќи транспарентност во однос на постапката и одлуката на јавниот обвинител.
Текстот Австралија: Хуманитарни работници загинаа поради сериозни пропусти на Израел е превземен од МАКФАКС.
