Франција денеска апелираше до своите државјани во Иран да ја напуштат земјата „што е можно поскоро“ поради тензиите во регионот по смртта на политичкиот лидер на Хамас Исмаил Ханије и командантот на Хезболах Мохамад Деиф.
„Поради зголемениот ризик од воена ескалација во регионот, апелираме до француските граѓани кои го посетуваат Иран и оние кои се таму, да заминат што е можно поскоро“, соопшти француското Министерство за надворешни работи.
Неколку западни земји ги советуваа граѓаните да не патуваат во Израел и Либан поради страв од ширење на конфликтот.
Израелските сили го убија Деиф во воздушен напад во Бејрут, додека Ханије беше убиен во Техеран во средата.
Хамас и иранските власти го обвинија Израел за убиството и ветија одмазда.
Израелската војска потврди дека го убила Деиф, но Тел Авив ниту призна, ниту негираше дека го убил Ханије.
Текстот Франција апелираше до своите граѓани да го напуштат Иран што поскоро е превземен од МАКФАКС.
