Француската фудбалска репрезентација се пласираше во полуфиналето на олимпискиот турнир по победата од 1:0 над Аргентина.
Жан-Филип Матета, напаѓачот на Кристал Палас го постигна единствениот гол на натпреварот, веќе во 11. минута.
Матета беше највисок и најснаодлив пред голот на Јужноамериканците на топката која Олисе ја уфрли од корнер.
Тоа беше моментот на одлука во бурниот натпревар кој беше продолжен за цели 12 минути, а заврши со масовна тепачка меѓу актерите веднаш откако судијата означи крај.
Франција во полуфиналето ќе игра против Египет, а Шпанија за противник ќе го има Мароко.
Текстот Масовна тепачка меѓу фудбалерите на Аргентина и Франција е превземен од МАКФАКС.
