Околу 50 ракети беа истрелани од јужен Либан кон Израел, поточно Горна Галилеја, објавија израелските медиуми.
Снимките од социјалните мрежи покажуваат како израелскиот одбранбен систем „Железна купола“ бил активиран над таа област.
„Во поддршка на нашиот непоколеблив палестински народ во Појасот Газа и како поддршка на нивниот храбар и чесен отпор, и како одговор на нападите на израелскиот непријател врз непоколебливите јужни села и безбедни домови, особено оние насочени кон селата Кафр Кила и Деир Сирјан и повредувајќи цивили, Исламскиот отпор ја вклучи новата населба Беит Хилел во својот распоред и ја бомбардира за прв пат со десетици ракети од типот Катјуша“, се вели во соопштението на Хезболах.
The Iron Dome is truly a Technological Marvel. pic.twitter.com/egMH5GY4IF
— OSINTdefender (@sentdefender) August 3, 2024
Израел се уште не го коментирал инцидентот. Засега нема извештаи за жртви.
Соединетите држави, Велика Британија и Франција ги повикаа своите граѓани да го напуштат Либан поради зголемените стравувања од сеопфатна војна меѓу Израел и либанскиот Хезболах.
Текстот (Видео) Хезболах истрела 50 ракети кон Израел е превземен од МАКФАКС.
