Ракометната репрезентација на Хрватска доживе фијаско на Олимписките игри. Хрватите не успеаја да ја минат групата, во која забележаа две победи и три порази. Ова е најлошиот пласман на Хрватска во историјата на олимпијадите, претходно никогаш не биле полошо пласирани од петтото место.
Хрватска, вчера, во директен со Шпанија се бреше за четвртфиналето. На крајот Шпанија мина меѓу најдобрите осум со победата 32:31. На Хрватите им пресуди лошото прво полувреме, во кое примија 20 голови и имаа мунус од пет гола.
Капитенот Домагој Дувњак (36) го коментираше натпреварот.
„Направивме премногу технички грешки. Кога се враќавме, секогаш ни недостигаше еден гол. На крајот заостанавме за два. Ова е дефинитивно турнир на кој не успеавме. Минималната цел беше да се пласираме во четвртфиналето. Мораме да седнеме и со „ладни глави“ да го лоцираме проблемот. Во група со шетс репрезентации завршивме на петтото место. Жал ми е за овие момци, но ќе имаат тие уште уште многу шанси“, додаде Дувњак, а потоа најави повлекување од националниот тим.
„Дефинитивно нема повеќе да играм на ОИ. На нив поминав низ се. Четврто место, трето место, елиминација во четвртфиналето и сега во групата, за жал. Со овие момци добро се забавував, но имам три деца дома морам добро да размислам што ќе правам во иднина.“
Текстот Дувњак најави збогување со репрезентацијата е превземен од МАКФАКС.
