Италијанската гимнастичарка Алис Дамато го освои златниот медал на греда на Олимписките игри во Париз.
Во силна конкуренција, Дамато ја искористи несигурноста на противничките и победи со 14.366 поени. Тоа е нејзин втор медал во Париз, по среброто во екипна конкуренција.
Сребрениот медал го освои Јацин Жу од Кина со 14.100, а бронзата Италијанката Манила Еспосито со 14.000 поени.
Фаворит за златото беше Американката Симоне Бајлс, но таа падна од гредата и го зазеде петтото место со 13.100 поени, зад Бразилката Ребека Андрада, која имаше 13.933 поени.
Бајлс досега во Париз има освоено три злата (екипно, повеќебој и прескок).
Текстот (Видео) Бајлс остана без медал, злато за Италијанката Дамато е превземен од МАКФАКС.
