Тони Крос (34) во финишот на минатата сезона го шокира фудбалскиот свет со објавата дека по Европското првенство ќе ја заврши кариерата. Во објавата потенцираше дека секогаш сакал да се повлече додека е на врвот.
На забелешката дека Модриќ, кој е четири години постар од него, решил да продолжи да игра, Крос за „Ел ларгуеро“ изјави:
„Јас и Лука имаме различни мислења. Отсекогаш сакав да заминам додека сум на врвот, со моето тело во одлична состојба затоа што се надевам дека ќе живеам долго по пензионирањето“.
„Лука сака да игра до крај. Јас никогаш не би го направил тоа. Освен тоа, Модриќ прифати нова улога, во која помалку игра. Јас тоа не би го направил, но тој гледа поинаку на работите“.
Крос го спореди Модриќ со Роналдо: „Кристијано и Лука се зависници од успехот. Тоа не запира. 95 отсто од фудбалерите за повлекуваат додека се на врвот, тие го направија спротивното. Тие избраа да уживаат во фудбалот уште малку, што е исто така добро, добро е што тие се задоволни“.
Крос ги откри со што ќе се занимава по завршувањето на кариерата: „Имам неколку проекти. Во септември отворам академија во Мадрид. Уживам да им помагам на децата да ги остварат своите соништа. Уживам кога работам со деца. Покрај тоа, ќе оформам натпреварување слично на „Кралската лига“ во Германија. Мојот план за пензија е да поминувам повеќе време дома со моите деца“.
Текстот Крос: Никогаш не би постапил како Модриќ е превземен од МАКФАКС.
