Градоначалникот на општина Гази Баба, Бобан Стефковски, беше во хуманитарна посета на Клиниката за детски болести во Скопје, каде што изврши донација на инвертер клима-уреди.
Градоначалникот Стефковски за посетата информира на својата официјална страница на „Фејсбук“, на која напиша:
Хуманоста ме прави среќен и духовно побогат човек.
Направив хуманитарна посета на Клиниката за детски болести во Скопје, каде што дониравме висококвалитетни инвертер клима-уреди, кои содржат можност за управување од далечина и се со сериозна економска штедливост.
Оваа донација ја реализираме по завршената постапка од средствата собрани од манифестацијата „Пивтијада“, која традиционално се одржува во општина Гази Баба.
Клиниката за детски болести е местото во кое докторите се борат со предизвиците што ги имаат стотици дечиња и обврска на сите фактори во општеството е да создаваме подобри и поквалитетни услови за лекување на нашите најмили.
Хуманоста е широк поим што значи да се помага секогаш и секаде кога и да е потребно. Маката не познавата различност, ниту етничка, верска или каква било друга.
Мојата помош и поддршка ќе ја имаат сите оние на кои таа ќе им биде потребна. Така е од првиот и така ќе биде до последниот ден од мојот мандат!, напиша Стефковски.
Текстот Стефковски донира инвертер клима-уреди на Детската клиника е превземен од МАКФАКС.
