Германија во епски натпревар ја победи Франција со 35:34 и ја елиминира од олимпискиот турнир.
Германците на нестварен начин изборија продолженија, кога Дика Мем им ја „продаде“ топката, а новата германска ѕвезда Ренарс Усчинс погоди за 29:29. Историо играч погоди и на пет секунди до крајот на второто продолжение и го постави конечниот резултат.
Поразот на Франција значеше дека големиот Никола Карабатиќ (40) го одигра последниот натпревар во животот. Најотрофејниот и за многумина најдобриот ракометар на сите времиња шокантно се прости од ракометот.
„Готово е, никогаш повеќе нема да доживеам ваква атмосфера. Но, со задоволство ја завршувам кариерата, ќе продолжам да навивам за овој талентиран француски тим. Ги остварив моите соништа, горд сум на сите титули и медали што ги освоивме“, разочарано рече Карабатиќ накратко осврнувајќи се на шокантниот крај на средбата со Германија:
Со француската репрезентација, Карабатиќ освои три олимписки злата (2008, 2012 и 2020 година), четири светски злата (2009, 2011, 2015 и 2017 година) и четири европски злата (2006, 2010, 2014 и 2024 година). Во својата клупска кариера, исто така, многупати победуваше, а се издвојуваат три ЛШ. Три пати беше избран за најдобар играч на светот (2007, 2014, 2016).
Текстот Карабатиќ: Готово е, спортот понекогаш е толку суров е превземен од МАКФАКС.
