„Бев дециден во текот на вчерашниот состанок со винарските визби, ова е изработено согласно Закон и никој не треба да го крши истиот. Треба да се почитува договорена цена и тука мислам дека беше обострано констатирана оваа ситуација дека нема да има отстапки“, истакна министерот за земјоделство, шумарство и водостопанство, Цветан Трипуновски при изјавата дадена во Неготино.
„Кога сме на тема винарски визби и процес на откуп сакам да потенцирам дека процесот на откуп на винското грозје ќе го следат инспектори од Земјоделскиот инспекторат како надлежна институција“, појасни тој.
Министерот додаде дека направен е план на секое откупно место да има распореден инспектор кој што ќе биде коректив на процесот.
„Сакаме да ги елиминираме и најмалите простори за сомнеж и за манипулација во делот на откуп. Едноставно целиот процес да се заснова и да се спроведе согласно правилата и Законот кој што постои“, нагласи Трипуновски.
Текстот Трипуновски: Процесот на откуп на винското грозје ќе го следат инспектори од Земјоделскиот инспекторат за да се елиминираат сомнежи е превземен од МАКФАКС.
