Две лица загинаа, петмина се спасени, а уште двајца се затрупани и, најверојатно, тешко повредени во урнатините на хотелот што се сруши синоќа околу 23 часот во градот Кров на реката Мозел, во германската покраина Рајнланд-Пфалц.
Меѓу заробените имало и дете, кое утрово беше спасено.
Сѐ уште не е јасно што ја предизвикало несреќата.
Според медиумите, загинатите се германски државјани, жена родена 1961 година и маж.
Како што јавуваат германските медиуми, од урнатините се спасени таткото и мајката на двегодишното дете, кое исто така беше затрупано. Станува збор за холандско семејство. Под урнатините останале уште две лица.
Текстот (Видео) Двајца загинати, уште двајца затрупани под хотелот што се урна во Германија е превземен од МАКФАКС.
