Едно лице загина при уривањето на хотел во Германија, додека најмалку осум лица останаа затрупани во урнатините. Утрово пристигна добра вест – спасувачите успеале да извлечат дел од заробените меѓу кои и едно дете.
Несреќата се случила синоќа околу 23 часот, кога според полицијата се урнал еден кат. Во моментот на инцидентот во хотелот имало 14 лица, а пет успеале навреме да побегнат.
Набргу по првото спасување, дошол моментот којшто сите го чекале – затрупаното дете е извлечено од урнатините. Момчето било завиткано во ќебе и на безбедно било донесено од пожарникар. Според „Билд“, момчето било будно и се чини дека е во добра состојба.
Потоа надвор е извлечена и една жена, но засега не се знае дали е мајката на момчето. По неа на безбедно е донесена пензионерка, додека спасувањето продолжува.
Полицијата претходно објави дека медицинските лица биле во контакт со уште околу осум лица кои останале во хотелот, од кои некои се тешко повредени.
Полицијата евакуирала 31 лице од околината на оштетената зграда, а се уште не е познато што го предизвикало уривањето.
Околу 250 лица се на терен, вклучувајќи пожарникари, полиција, медицински служби. Помагаат и специјалните сили, спасувачките кучиња и единиците за беспилотни летала.
Текстот (Видео) Извлечено дете од хотелот што се урна во Германија е превземен од МАКФАКС.
