Денеска во 10.20 часот во близина на Граничен премин Табановце, во правец кон Куманово, полициски службеници од Мобилната единица за компезаторни мерки при Одделот за гранични работи и миграции запреле и извршиле контрола на возило комби „мерцедес спринтер“ со струмички регистарски ознаки, управувано од А.С. од с.Босилово, струмичко, а сопственост на Н.Т., извести МВР.
Притоа, било констатирано дека со возилото се врши јавен превоз на патници без лиценца издадена од надлежен орган.
За настанот е известен Државниот инспекторат за транспорт и врски, од чија страна на возачот му и издаден записник за извршен инспекциски надзор, одземена е сообраќајната дозвола, издадено е решение за исклучување од сообраќај и издаден е прекршочен платен налог, додаваат од МВР.
Текстот Возач од струмичко вршел јавен превоз на патници без лиценца, неколку поднесоци против него е превземен од МАКФАКС.
